Xəbər verdiyimiz kimi, İnnovasiya və Rəqəmsal İnkişaf Agentliyi (İRİA) ilin yekunlarına və innovasiya sahəsində fəallığı ilə seçilən oyunçuların mükafatlandırılmasına həsr olunmuş “digital.azerbaijan: Nailiyyətlər və IDDA Awards 2024” mərasimini keçirib.
İki hissədən ibarət tədbirin birinci hissəsində İRİA-nın il ərzində fəaliyyətinin yekununa dair hesabatlar təqdim edilib. Tədbirin ikinci hissəsində isə “IDDA Awards” müsabiqəsinin mükafatlandırılma mərasimi keçirilib.
Yeni Fikirin təsisçisi İsa Qasımov IDDA Awards 2024 müsabiqəsində Ekosistem Lokomotivi nominasiyası üzrə qalib oldu!
2025-ci ildə daha böyük hədəflərlə, yeni təşəbbüslərlə və daha geniş təsir sahəsi ilə daha güclü olmağa davam edəcəyik! 
Təbriklər, İsa Qasımov!
Qeyd edək ki, IDDA Awards 2022-ci ildə İnnovasiya və Rəqəmsal İnkişaf Agentliyi tərəfindən təsis edilib. Müsabiqənin keçirilməsində əsas məqsəd ekosistemin ən perspektivli innovatorlarını tanıtmaq, onların fəaliyyətini dəstəkləmək, ölkə innovasiyasının inkişafında aktiv iştirak edən oyunçular arasında rəqabət mühiti yaratmaqdır.
