İsa Qasımov — İqtisadi İslahatların Təhlili və Kommunikasiya Mərkəzində “Enterprise Azerbaijan” portalının rəhbəridir.

İsa Qasımov, Global Innovation Institute tərəfindən verilən “Baş İnnovasiya Mütəxəssisi (CCInO)” sertifikatına malikdir (2025). O, “IDDA AWARDS 2024” müsabiqəsində Ekosistem Lokomotivi nominasiyasının qalibidir.

“İnnovasiya sahibkarlığı və texnologiya parkları” və “İnnovasiya sahibkarlığı: Startup ekosistemi” dərsliklərinin həmmüəllifidir. Universitet-sənaye əməkdaşlığı, texnologiya parklarının (biznes inkubatorlarının) yaradılması sahəsində 15 ildən çox peşəkar təcrübəyə malikdir. Bu müddətdə startup-ların inkişafı, sahibkarlığın təşviqi, elmin kommersiyalaşdırılması və karyera planlaşdırılması ilə məşğul olmuşdur.

O “İdeyadan Bizensə İnnovasiya və Akselerasiya IX Proqramı” (Stanford Universiteti Peşəkar İnkişaf Mərkəzi və Qlobal İnnovasiya Katalizatoru, 22 yanvar-18 mart 2020); “Yüksək səviyyəli elm-texnologiya-innovasiya siyasəti və strateji inkişafı” (STEPI, Koreya Respublikası, 11 – 30 oktyabr 2018.); “Silikon Vadisinə keçid” (ABŞ, San-Fransisko, 21 – 25 avqust 2017), “İnnovasiya və sahibkarlığının biznes inkubatorlarda inkişafı” (EDI, Hindistan, 04 yanvar-12 fevral 2016); “Ali təhsil və gələcək karyera proqramı” (ABŞ, 28 yanvar – 18 fevral 2012-ci il) və digər çoxsaylı beynəlxalq peşəkar inkişaf proqramlarının məzunudur.