4ü1arada proqramı çərçivəsində növbəti bootcamp İsmayıllıda keçirildi.
4 noyabr 2023-cü ildə İsmayıllı Dövlət Peşə Təhsil Mərkəzində “Dördü bir arada: regionlarda startap və inkubasiya proqramı” layihəsi (4ü1arada) çərçivəsində növbəti BOOTCAMP keçkirildi. Bootcamp-da DağlıqŞirvan regionundan cəlb edilmiş təşəbbüskarlar iştirak edirdi. İştirakçılar arasında ADPU Şamaxı filialı, İsmayıllı Dövlət Peşə Təhsil Mərkəzi və İsmayıllı Dövlət Humanitar ve Texnologiya Kollecinin müəllim və tələbələri üstünlük təşkil edirdi. Ümumilikdə, 86 nəfər startapçı təşəbbüskar və 6 nəfər mentorun iştirak etdiyi bootcampda 30 yaxın startap komandası öz iş fikri ilə irəli çıxdı ki, onlardan 23 komanda layihəsini təqdim edə bildi.
Bootcamp-ın sonunda startap layihələrinin inkişaf vəziyyətləri mentorlar tərəfindən qiymətləndirilərək, tövsiyələr verildi. Məlumat verildi ki, Noyabr ayı ərzində 4ü1arada layihəsi çərçivəsində Sərgi-Demoday keçiriləcək. Hansı ki, həmin tədbirdə, layihələrini təqdim etməyə tam hazırlaya bilmiş, startap komandaları öz iş fikirlərini investorlara və digər qonaqlara təqdim edə biləcəklər. Demoday-da seçiləcək ən uğurlu 3 startapa isə qiymətli həfiyyələrin verilməsi də nəzərdə tutulub. Sərgi-Demoday tədbirinin keçirilməsi haqqında ətraflı məlumat veriləcək.
Qeyd edək ki, 4ü1arada proqramı İnnovasiya və Rəqəmsal İnkişaf Agentliyinin dəstəyi, İTE Azərbaycanın tərəfdaşlığı və Yeni Fikirin təcrübəsi və əməkdaşlığı ilə həyata keçirilir.
